کوئٹہ میں بارودی سرنگ کے دھماکے میں 4 ایف سی اہلکار شہید اور تین زخمی ہو گئے۔
سکیورٹی ذرائع کے مطابق کوئٹہ کے مارگیٹ کے علاقے میں سکیورٹی فورسز کے بم ڈسپوزل اسکواڈ کے قریب زور دار دھماکا ہوا جس میں چار ایف سی اہلکار شہید ہو گئے۔
دھماکے کے بعد فورسز کسی بھاری نفری اور ریسکیو ٹیمیں علاقے میں پہنچ گئیں، شہید اہلکاروں کی لاشوں اور زخمیوں کو اسپتال منتقل کر دیا گیا۔
سکیورٹی ذرائع کے مطابق شہید ہونے والوں میں صوبیدار شہزاد امین، نائب صوبیدار عباس، سپاہی خلیل اور سپاہی زاہد جبکہ زخمیوں میں لانس نائیک ظفر، لائنس نائیک فاروق اور سپاہی خرم سلیم شامل ہیں۔
ذرائع کا کہنا ہے کہ فورسز کی بھاری نفری نے علاقے کو گھیرے میں لے کر ملزمان کی تلاش شروع کر دی ہے۔