پشاور ہائیکورٹ نے اسد قیصر، عمر ایوب اور فیصل امین گنڈا پور کو حفاظتی ضمانت دیدی ہے۔
ہائیکورٹ نے تینوں کو کسی بھی مقدمے میں گرفتار نہ کرنے کا حکم دیا ہے،چیف جسٹس اشتیاق ابراہیم اور جسٹس وقار احمد نے کیس کی سماعت کی۔
وکیل کا کہنا تھا معلوم نہیں کہ کس مقدمے میں گرفتاری ہوگی،ہم عدالتوں میں پیش ہونا چاہتے ہیں لیکن مقدمات معلوم نہیں۔
چیف جسٹس نے کہا ہم آپ کو 15 دن کی حفاظتی ضمانت دے دیں گے،مقدمات کی تفصیل کے لیے متعلقہ ہائیکورٹ سے رجوع کریں۔
عمر ایوب نے استدعا کی میرے متعدد کیسز ہیں ایک مہینے کا وقت دیا جائے،بہت زیادہ پیشیاں ہیں اس لیے زیادہ وقت کی درخواست کرتا ہوں،عدالت نے 3 ہفتوں کے لیے حفاظتی ضمانت منظور کرلی۔