تحریک انصاف اور تحریک تحفظ آئین پاکستان کے آج کوئٹہ جلسے کے پیش نظر شہر بھر کے تمام راستوں کو ٹرک اور کنٹینرز لگا کر بند کر دیا کرکے موبائل اور انٹرنیٹ سروس بھی معطل کر دی گئی۔
ضلعی انتظامیہ کا کہنا ہے کہ سکیورٹی خدشات کے باعث ہاکی گراؤنڈ میں منعقد ہونے والے جلسے کی اجازت مسترد کر دی گئی ہے تاہم پاکستان تحريک انصاف نے ہر صورت جلسہ کرنے کا اعلان کیا ہے۔
ضلعی انتظامیہ کے مطابق صوبے بھر میں ایک مہینے کے لیے دفعہ 144 نافذ کر دی گئی ہے جس کے تحت عوامی اجتماعات پر پابندی عائد ہے، شہر میں جگہ جگہ پولیس کی بھاری نفری تعینات کی گئی ہے تاکہ کسی بھی ناخوش گوار واقعے سے بچا جا سکے۔
دوسری جانب راستوں کی بندش سے شہریوں، خاص طور پر سکول اور کالج جانے والے طلبہ کو شدید مشکلات کا سامنا کرنا پڑا۔