• Fri. Mar 14th, 2025

Watan Radio

Radio Watan Fm 90.8

صوبوں میں مدارس رجسٹریشن بارے قانون سازی ، وزیر اعظم کی مولانا فضل الرحمن کو حمایت کی یقین دہانی

Jan 3, 2025

مولانا فضل الرحمٰن نے وزیراعظم شہباز شریف سے ٹیلیفونک رابطہ کرتے ہوئے مدارس کی رجسٹریشن کی قانون سازی کے حوالے سے تبادلہ خیال کیا۔

ذرائع کا کہنا ہے کہ مولانا فضل الرحمٰن نے وزیراعظم سے صوبوں میں قانون سازی کے لیے کردار ادا کرنے کی درخواست کی جس پر وزیراعظم نے مولانا فضل الرحمٰن کو حمایت کی یقین دہانی کرائی۔
اس موقع پر وزیراعظم کا کہنا تھا کہ صوبوں میں قانون سازی کے لیے وزرائے اعلیٰ سے رابطہ کروں گا۔

یاد رہے کہ گزشتہ ماہ صدرِ مملکت نے مدارس کی رجسٹریشن سے متعلق پارلیمان سے منظور سوسائٹی رجسٹریشن ایکٹ پر دستخط کر دیئے تھے ، صدر کے دستخط کے بعد مدارس رجسٹریشن کا بل قانون بن گیا ہے ۔