بانی پی ٹی آئی کی ہمشیرہ علیمہ خان نے عمران خان کی رہائی کے لیے مہم چلانے کا اعلان کر دیا ہے۔
پی ٹی آئی ذرائع کے مطابق گزشتہ روز علیمہ خان نے پشاور اور مردان کا دورہ کیا، جہاں ان سے جیل کاٹنے والے پارٹی کارکنوں اور ان کے خاندان کے افراد نے ملاقات کی، کارکنوں نے علیمہ خان کے سامنے وزیراعلیٰ اور دیگر قیادت کے خلاف شکایات کے انبار لگا دیے۔
علیمہ خان کے ہمراہ ایم این اے شاندانہ گلزار اور پی ٹی آئی رہنما خدیجہ شاہ بھی موجود تھیں، علیمہ خان نے پارٹی قیادت سے سخت ناراضی کا اظہار کیا۔
ذرائع کے مطابق علیمہ خان نے اس دورے سے متعلق وزیر اعلیٰ سمیت کسی کابینہ رکن کو بھی اعتماد میں نہیں لیا۔