• Sat. Mar 15th, 2025

Watan Radio

Radio Watan Fm 90.8

علی امین گنڈا پور کے ناقابل ضمانت وارنٹ گرفتاری معطل ، اشتہاری قرار دینے کی کارروائی بھی منسوخ

Jan 2, 2025

راولپنڈی کی انسداد دہشتگردی عدالت نے وزیر اعلیٰ خیبر پختونخوا علی امین گنڈاپور کے ناقابلِ ضمانت وارنٹ گرفتاری معطل کرتے ہوئے اشتہاری قرار دینے کی کارروائی بھی منسوخ کر دی۔

عدالت نے علی امین کے وارنٹ گرفتاری حسن ابدال میں درج مقدمے میں جاری کیے تھے۔ علی امین کے وکیل محمد فیصل ملک کی جانب سے درخواست دائر کی گئی تھی۔
درخواست میں مؤقف اپنایا گیا تھا کہ پشاور ہائیکورٹ نے علی امین گنڈاپور کی تمام مقدمات میں ضمانت منظور کی ہے۔

وکیل نے پشاور ہائیکورٹ کا حکم نامہ بھی عدالت میں جمع کرایا ۔ جس پر عدالت نے علی امین کے ناقابل ضمانت وارنٹ گرفتاری معطل کر دیئے۔