وزیراعظم شہباز شریف اور چیئرمین پیپلز پارٹی بلاول بھٹو کے درمیان آج ہونے والی ملاقات ملتوی ہو گئی ہے۔
ذرائع کا کہنا ہے کہ بلاول بھٹو زرداری نے مصروفیات کے باعث اسلام آباد آنے کا پروگرام موخر کیا جس کے باعث ملاقات ملتوی کی گئی ہے۔
ذرائع نے مزید بتایا کہ ایک سے 2 روز میں بلاول بھٹو کے اسلام آباد آنے کا امکان ہے جس کے بعد ملاقات ہو گی۔
واضح رہے بلاول بھٹو کی وزیراعظم شہباز شریف سے آج اسلام آباد میں ملاقات طے تھی، جس میں حکومت کے انتظامی معاملات زیر بحث آنا تھے ، اس کے علاوہ بلاول بھٹو نے حکومت سے معاہدوں پر پارٹی تحفظات وزیراعظم کے سامنے رکھنا تھے۔