قومی کرکٹر کامران غلام نے اپنے پہلے ہی ٹیسٹ میچ میں شاندار سنچری بنا ڈالی ۔
کامران غلام نے 192گیندوں پرسنچری مکمل کی،ان کی سنچری میں ایک چھکا ، 9چوکے شامل تھے ،کامران غلام ٹیسٹ ڈیبیوپر سنچری کرنےوالے 13ویں پاکستانی کھلاڑی بن گئے۔
5سال بعد اپنے پہلے ٹیسٹ میں سنچری کا اعزازکامران غلام نےحاصل کیا،پاکستان کی طرف سےآخری بارعابدعلی نے 2019 میں ٹیسٹ ڈیبیوپرسنچری کی تھی،عابدعلی نے پہلے ون ڈے میں بھی سنچری اسکورکی تھی۔
پاکستان کی طرف سےپہلے خالدعباداللہ نے1964میں ٹیسٹ ڈیبیوپرسنچری کی،یاسرحمید نے اپنے پہلےٹیسٹ کی دونوں اننگز میں سنچریاں بنائیں،یاسرحمید کو ڈیبیوپرسب سےزیادہ اسکوربنانےکااعزازبھی حاصل ہے۔
یاسرحمید نے 2003میں بنگلہ دیش کیخلاف170 اور105رنز کی اننگز کھیلی تھی،پاکستان کی طرف سےجاوید میاں داد،سلیم ملک نےبھی ٹیسٹ ڈیبیوپرسنچریاں بنائیں۔
محمدوسیم،علی نقوی،اظہرمحمود،یونس خان،فواد عالم،توفیق عمرکوبھی پہلے ٹیسٹ میں سنچری کااعزازحاصل ہے،علی نقوی اور اظہر محمود نے ایک ہی ٹیسٹ میں ڈیبیو پر سنچریاں بنائیں۔