اسلام آباد:
وزیراعلیٰ کے پی علی امین گنڈا پور نے کہا ہے کہ کے پی واحد صوبہ ہے جو پورے پاکستان کا 15 فیصد کاربن صاف کرتا ہے، صوبوں کو ان کا شئیر دیا جائے، ہم کے پی کو گرین پروانس بنائیں گے اور عمارتوں کو سولر پر منتقل کریں گے۔
ماحولیاتی تبدیلیوں سے متعلق بریتھ کانفرنس سے خطاب کرتے ہوئے انہوں نے کہا کہ کے پی کے پاکستان کا 15 فیصد کاربن صاف کرتا ہے، ہم نے 675 ملین روپے فارسٹ پر خرچ کیے،کے پی میں 25 فیصد جنگلات موجود ہیں ہم پاکستان کا کاربن سنک ہیں کیوں کہ کے پی کے پاکستان کا 15 فیصد کاربن صاف کرتا ہے۔
ان کا کہنا تھا کہ کلائمیٹ چینج ایک بڑا چیلنج ہے، صوبوں کو ان کا شئیر دینا چاہیے، ہم نے جنگلات لگانے میں 1 لاکھ 75 ہزار نوکریاں دی ہیں، ہم کے پی کو گرین پروانس بنائیں گے کے پی میں عمارتوں کو سولر پر منتقل کریںگے۔
انہوں نے کہا کہ پانچ بلین سے مہمند ڈیم پروجیکٹ بنا رہے ہیں، ہم 4 بڑے منصوبے بنا چکے ہیں، 1 لاکھ 75 ہزار زیتون کے پودے لگا چکے ہیں، بی آر ٹی کی بنا پر 178 فیصد کم کاربن پیدا ہوا۔
ان کا کہنا تھا کہ چیلنجز کو دیکھ کر ہم کام کر رہے ہیں، ہمارے صوبے کی آبادی بھی کنٹرول میں ہیں، ہیلتھ کے شعبہ میں صحت کارڈ سے پچیس فیصد دل کی سرجری ہورہی ہیں، ہم نے صوبہ خیبر پختونخوا کا گرین بجٹ دیا۔