ذرائع کے مطابق وزیراعلیٰ امین گنڈا پور نے گورنر فیصل کریم کنڈی سے کے پی ہاؤس اسلام آباد کی انیکسی خالی کراتے ہوئے ان کا سامان باہر نکلوا دیا۔
اس حوالے سے مشیر اطلاعات بیرسٹر سیف نے کہا ہے کہ خیبرپختونخوا ہاؤس میں گورنر کے لیے مختص بلاک ختم کر دیا گیا ہے ،گورنر کے لیے کے پی ہاؤس میں متبادل رہائشی بندوبست کیا جا رہا ہے۔
انہوں نے کہا کہ گورنر خیبرپختونخوا فی الحال سندھ ہاؤس میں قیام کا بندوست کریں، کے پی ہاؤس میں گورنر کا داخلہ بند نہیں کریں گے۔
بیرسٹر سیف نے کہا کہ وزراء اور ممبران اسمبلی کے لیے رہائش کا مسئلہ تھا، گورنرانیکسی فی الحال ارکان صوبائی اسمبلی اور وزراء استعمال کریں گے۔
انہوں نے مزید کہا کہ اس حوالے سے صوبائی کابینہ کے گزشتہ اجلاس میں فیصلہ کیا گیا تھا۔