مشیر اطلاعات خیبر پختونخوا بیرسٹر سیف نے کہا ہے کہ جمہوریت کی بالادستی کے لیے ہمارے دروازے تمام جماعتوں کے لیے کھلے ہیں۔
جیو نیوز کے پروگرام جیو پاکستان میں گفتگو کرتے ہوئے بیرسٹر سیف نے کہا کہ جن جماعتوں نے جمہوریت کونقصان پہنچایا ان سے بات نہیں کی جائے گی۔
انہوں نے کہاکہ وفاق سے جتنے بھی افسران مانگے ان کو رد کر دیا جاتا ہے، صوبے میں چیف سیکریٹری ابھی تک تعینات نہیں کیا گیا۔
بیرسٹر سیف کا کہنا ہے کہ بجلی کی مد میں وفاق کے ذمے خیبر پختونخوا کے واجبات ہیں، وفاقی حکومت غیر آئینی ہے، چوری کے مینڈیٹ پر بیٹھی ہوئی ہے۔