آسٹریلیا کے خلاف دوسرے ون ڈے میں کپتان و وکٹ کیپر محمد رضوان نے ایک میچ میں کیچ پکڑنے کا ریکارڈ برابر کر دیا۔
ایڈیلیڈ میں آسٹریلیا کے خلاف دوسرے ون ڈے میچ میں محمد رضوان نے 6 کیچ پکڑے جبکہ ایڈم زمپا کا کیچ ان سے ڈراپ ہو گیا۔
اگر وہ ایڈم زمپا کا کیچ پکڑ لیتے تو ایک میچ میں سب سے زیادہ کیچ پکڑنے کا ریکارڈ اپنے نام کر لیتے۔
اس سے قبل سرفراز احمد، ایڈم گلکرسٹ، مارک باؤچر، ایلک اسٹیورٹ، میٹ پرائیر، کوئنٹن ڈی کاک، جوز بٹلر اور میتھیو کراس بھی ایک میچ میں 6 کیچ پکڑنے کا اعزاز حاصل کرچکے ہیں۔