خیبر پختونخوا حکومت نے وفد کے افغانستان کے دورے کے لیے ٹی او آرز تیار کر لیے ہیں۔
مشیر اطلاعات خیبر پختونخوا بیرسٹر محمد علی سیف نے اس حوالے سے کہا ہے کہ افغانستان سے بات چیت کے لیے 2 وفود جائیں گے۔
ان کا کہنا تھا کہ پہلا وفد مذاکرات کے لیے ماحول ساز گار بنانے اور سفارتی امور نمٹانے کے حوالے سے کام کرے گا ، دوسرا وفد کئی اسٹیک ہولڈرز پر مشتمل ہو گا۔
انہوں نے بتایا کہ وفد بھیجنے کا مقصد کراس بارڈر ٹرائبل ڈپلومیسی کو مضبوط کرنا اور اقتصادی اور معاشرتی تعلقات کو فروغ دینا ہے۔
انہوں نے مزید بتایا کہ وہ اس حوالے سے رابطہ کاری کے لیے فوکل پرسن بھی ہوں گے ، خیبر پختونخوا حکومت مذاکرات کے لیے وفاقی حکومت سے رابطے میں رہے گی۔