پاکستان اور افغان فورسز کے درمیان کشیدگی کے باعث طور خم بارڈر آج پانچویں روز بھی بند ہے، جس کے باعث سینکڑوں مسافر گاڑیاں پھنس گئیں۔
ذرائع کا کہنا ہے کہ گزشتہ روز طورخم زیرو پوائنٹ پر دونوں ممالک کے حکام کے درمیان اجلاس بغیر کسی نتیجے کے ختم ہوا تھا۔
طورخم سرحد تجارتی سرگرمیوں اور پیدل آمد ورفت کے لیے بھی بند ہے، سرحدی گزرگاہ بند ہونے سے دونوں جانب گاڑیوں کی لمبی قطاریں لگ گئی ہیں ، تجارتی سرگرمیاں بند ہونے سے تاجروں کو کروڑوں روپے کا نقصان ہوا ہے۔
واضح رہے افغان فورسز سرحد کے متنازع حدود میں چیک پوسٹ تعمیر کر رہی تھیں ، پاکستانی فورسز کے روکنے پر حالات کشیدہ ہوئے تھے۔