سوات: رکن امن کمیٹی مفتاح الدین نامعلوم افراد کی فائرنگ سے جاں بحق

خیبرپختونخوا کے ضلع سوات میں رکن امن کمیٹی مفتاح الدین نامعلوم افراد کی فائرنگ سے جاں بحق ہو گئے، یہ واقعہ سوات کے علاقے کانجو میں پیش آیا۔
رکن امن کمیٹی مفتاح الدین کی نعش کو ہسپتال منتقل کر دیا گیا ، واقعہ کے بعد بڑی تعداد میں پولیس جائے وقوعہ پہنچ گئی۔ ملزم کی گرفتاری کیلئے پولیس نے واقعہ کے بعد علاقے میں سرچ آپریشن کردیا، جبکہ تحقیقات کا سلسلہ بھی شروع کر دیا۔