آڈیو لیک کیس :علی امین گنڈا پور کے ناقابل ضمانت وارنٹ گرفتاری جاری

ڈسٹرکٹ اینڈ سیشن کورٹس اسلام آباد نے آڈیو لیک کیس میں سابق وزیراعلیٰ خیبرپختونخوا علی امین گنڈا پور کے ناقابل ضمانت وارنٹ گرفتاری جاری کردیئے ۔
ایڈیشنل ڈسٹرکٹ اینڈ سیشن جج نصر من اللہ بلوچ نے کیس پر سماعت کی، اس دوران سابق وزیراعلیٰ علی امین گنڈا پور کی جانب سے کوئی بھی پیش نہ ہوا۔
عدالت نے علی امین گنڈا پور کی عدم دستیابی کے باعث فرد جرم کی کارروائی موخر کرتے ہوئے انہیں گرفتار کرکے پیش کرنے کا حکم جاری کردیا ۔
عدالت نے آج کیس فرد جرم عائد کرنے کیلئے مقرر کر رکھا تھا۔ بعدازاں عدالت نے آڈیو لیک کیس پر سماعت 5 دسمبر تک ملتوی کردی۔
واضح رہے کہ سابق وزیراعلیٰ خیبر پختونخوا علی امین گنڈا پور کے خلاف تھانہ گولڑہ میں مقدمہ درج ہے۔